答案係 NO，你可以話丁屋係村屋既一種，但村屋就唔一定係丁屋。要分辨一間村屋是否丁屋，就要睇地契文件喇。你可能會問：『係唔係丁屋，關我咩事？』，要分辨係唔係丁屋其中主要原因當然係因為錢啦。因為丁屋一般起好5年內出售係要補地價，但如果係一間 “舊屋地” 或 “舊批地” 重建既村屋，因無買賣限制條款，所以係唔使補地價。

常見既村屋除左丁屋同舊屋重建之外，仲有一種叫做『臨屋』，呢種『臨屋』當然唔係當年被稱為『安置區』個種，而係以前比原居民擺放農具、飼養家禽既屋，政府會為呢D屋發放臨時屋牌，所以叫『臨屋』，重點係呢D『臨屋』係唔可以轉讓。